የግብዓት አቅርቦት መሪ ሥራ አስፈጻሚ ተጠሪነቱ ለግብርና ኢንቨስትመንትና ግብይት ዘርፍ ሚኒስቴር ዴኤታ ሆኖ የሚከተሉት ተግባርና ኃላፊነት ይኖሩታል፤

• የግብዓት አቅርቦት ስርዓት ክትትል በማድረግ እና ግብይት ስርዓት ፖሊሲዎችንና ፕሮግራሞችን በጥናት ላይ ተመስርቶ ይቀርጻል፣ውሳኔ ሲያገኝ ተግባራዊ ያደርጋል፤
• የግብዓት አቅርቦቱ ለአርሶ አደሩና ለአርብቶ አደሩ በመጠን፣ በጥራትና በዓይነት ተደራሽ እንዲሆን ጥናት ያደርጋል፤
• ከአገር ውጭ እና በአገር  ውስጥ  በግዥ  የሚቀርቡ  ግብዓት  እና  ስርጭት  ተግባር  ላይ  የተሳተፉ እና ለመሳተፍ የሚፈልጉ አካላትን የአቅም ግንባታ ስራ ይሰራል፤
• ጥራትና ደረጃው የተጠበቀ ግብዓት ለአርሶና አርብቶ አደሩ፣ ለባለሀብቶችና የተደራጁ የማህበረሰብ አካላት እየቀረበ መሆኑን ያረጋግጣል፡፡ ይከታተላል ችግር ያለባቸውን በመለየት  ለበለጠ  ሙያዊ ጥራት ቁጥጥር ለሚመለከታቸው ላቦራቶሪ እንዲያሳወቁ ያደርጋል አፈጻጸሙን ይከታተላል፣
• የግብዓት አመራረት፣ ክምችት፣ የአጓጓዝ ሂደት በሥርዓት እንዲመራ የአሰራር ሥርዓት እንዲዘረጋ ያደርጋል ፡፡
• ከምርምር ማዕከላትና ከግብዓት አቅራቢ ማዕከላት ጋር የቅርብ ግንኙነት በመፍጠር ተፈላጊ የስነ- ህይወታዊ ግብዓት ምርት ግብዓት ውጤታማ የሆኑ በምርምርና በጥናት እንዲቀርቡ በቅንጅት ይሰራል ፣
• ለምርምር በሚቀርቡ ሃሣቦች/ የምርምር ኘሮፖዛሎች/ ላይ በሚደረግ ውይይት በመሳተፍ የበኩሉን አስተያየት ያቀርባል፣
• የግብዓት ጋር የተገናኙ የልማት ፕሮጀክቶችን ያዘጋጃል፣ ያፀድቃል፣ አተገባበራቸውንም በመከታተል ሪፖርት ያቀርባል፣
• በግዥ የሚቀርቡ ግብዓቶች ፍላጎት ትንበያ፣ እና ስርጭት ዙሪያ ለአቅራቢዎች እና ተጠቃሚዎች ምቹ እንዲሆን አዳዲስ የአሰራር ሥርዓት ስለሚሻሻልበት ሁኔታ ሀሳቦችን ያቀርባል፤ይዘረጋል፡፡
• በግብዓት ሥርጭት ዙሪያ ከተለያዩ አካባቢዎች የተገኙ ምርጥ ተሞክሮዎችን በመቀመር ወደ ሌሎች አካባቢዎች እንዲስፋፋ ያደርጋል፤
• ቅንጅታዊ አሠራር ለማጎልበትና ለማጠናከር የሚያስችሉ ስልቶችን  በመቀየስ  በወቅቱ  ግብዓት ለአርሶ አደሩ/አርብቶ አደሩ እንዲደርስ ያደርጋል፤
• ኅብረት ሥራ ማኅበራት፣ መንግስታዊ የልማት ድርጅቶችና ልማታዊ ባለሀብቶች በግዥ የሚቀርቡ ግብዓቶች ና ሥርጭት ላይ እንዲሳተፉ ሁኔታዎችን ያመቻቻል፤
• ግብዓቶች ተገዝተው ከመቅረባቸው በፊት ተገልጋዮች ዝግጅት እንዲሁም የቅበላ አቅም በመገምገም ዝግጁ እንዲሆኑ ያደርጋል፣ የዝግጅት ክፍተት ሲኖር የማሟያ  ስልት ይነድፋል፣
• በአከባቢው የሚተገበሩ የተፋሰስ ልማትና ከሌሎች የግብርና ልማት ሥራዎች ጋር በተቀናጀ መልኩ የግብርና ግብዓት እና ስርጭት ለማስፋፋት የሚያስችሉ አዳዲስ የውጤቶችና የተሸሻሉ አሰራሮች በማሰባሰብ ለቴክኒክ አሰራር ዝግጅት ግብዓት ደርጋል፤