የሥነ ምግባር መከታተያ ሥራ አስፈጻሚ ተጠሪነቱ ለግብርና ሚኒስትር ጽ/ቤት ሆኖ የሚከተሉትን ተግባርና ኃላፊነት ይኖሩታል፡-

• የክፍሉን ስራዎች በማቀድና በመምራት፤የስነ ምግባር ግንባታ እና ሙስና መከላከል፣ የሙስና ሥጋት ተጋላጭነት ጥናት፣ የኦንላይን የሀብት ማሳወቅያና ምዝገባ ፣ የጥቅም ግጭት መከላከል ስርዓቶች ተግባራዊ በማድረግ፣ የሙሰና መረጃ የማመንጫት ሥርዓት በመዘርጋት፣ የጠቋሚዎች የከላላ ሰርዓቶችን ተግባራዊ በማድረግና በመከታተል በተቋሙ ሥነምግባር እንዲሰፍን በማድረግ እና ሙስናና ብልሹ አሰራሮችን ይከላከላል፡፡
• የዳይሬክቶሬቱን ዕቅድ ያቅዳል፤ ያስተበባብራል፤ ሥራውን በበላይነት ይመራል፣ ያደራጃል፤ ክትትልና ድጋፍ ያደርጋል፤
• ለሥራው የሚያስፈልገው በጀት፣የሰው ኃይል እና ሌሎች አስፈላጊ ግብአቶች እንዲሟሉ በማድረግና የተመደበ ሀብት ለታለመላቸው ዓላማ በአግባቡ እንዲውሉ ክትትል ያደርጋል፤
• ለሥራ ክፍሉ ባለሙያዎች በተመደቡበት የሥራ መዘርዝር መሠረት የሥራ ክንውኖችን ይቆጣጠራል፣ አስፈላጊውን ማስተካከያ ያደርጋል፤
• ዳይሬክቶሬቱን ውጤታማ ለማድረግ የተቀየሱ አሰራሮች በተገቢው  መንገድ  ተግባራዊ መሆናቸውን ይከታተላል፤ተቋሙን  በመወከል  በተለያዩ  ጉዳዮች  ላይ  ውይይቶችና  ስብሳበዎች ላይ ማብራሪያ እና መረጃዎች ይሰጣል፤
• ከሥነ ምግባር እና ፀረ ሙስና ኮሚሽን የሚሰጡ አዳዲስ አቅጣጫዎችን፣ ወቅታዊና ተለዋጭ ሁኔታዎችን እና አሠራሮችን ተቀብሎ ለተቋሙ የበላይ ኃላፊዎች ግልጽ የማድረግና ከኮሚሽኑ በተሰጠው አቅጣጫ መሠረት እንዲተገበር ያደርጋል፤
• የዳይሬክቶሬቱን ዕቅድና አፈፃፀም ሪፖርት ከባለሙያዎች ጋር በየጊዜው ይገመግማል፣ ጠንካራና ደካማ ጎኖችን ይለያል፣ ቀጣይ አቅጣጫዎችን ያስቀምጣል፣ ተግባራዊ እንዲሆን ያደርጋል፤
• የአፈፃፀም ሪፖርት ለኮሚሽኑ እና በግልባጭ ለተቋሙ የበላይ ኃላፊ ያቀርባል፣  የፅሑፍ  ግብረ መልስ ይቀበላል፣ ማሻሻያዎችን ተግባራዊ ያደርጋል፡፡
• ለተቋሙ ሰራተኞች እና አመራሮች የስልጠና ፍላጎት እና የስልጠና ርእሶች በዳሰሳ  ጥናት እንዲለዩ ያስተባብራል፤
• የተለያዩ የመንግሥት ተቋማትን ተሞክሮዎች በመቀመር የማሰልጠኛ ሰነዶች እና መመሪያዎች እንዲዘጋጁ ያደርጋል፤ በተቋሙ ሠራተኞች ያስተቻል፤ ሥራ ላይ እንዲውል ክትትል ያደርጋል፣
• የስልጠና መረጃዎች ተደራጅቶ እንዲያዙ ያደርጋል፤ ለሚመለከተው አካል ሪፖርት ያደርጋል፤
• የስልጠና ስትራቴጂና ፕሮግራም እንዲዘጋጅ ያደርጋል፤ በጀት  ያስመድባል፤  ተግባራዊ ያደርጋል፤
• በሥነምግባር ስልጠና የገኘውን የስነ ምግባር ምጣኔ ደረጃ ይለካል፣ ለኮሚሽኑ እና ለተቋሙ ያሣውቃል፤
• በኮሚሽኑ የተዘረጋውን የስልጠና ምዘና፣  የሥነምግባር  ተደራሽነት  እና  የጥራት  ማረጋገጫ ስርዓት (Ethics and Integrty Framework) ተግባራዊ መሆኑን ይከታተላል፤ ያረጋግጣል፡፡